Pas Italis dhe Kroacis, tani moti me shtrengata shiu vjen në Shqipëri.

Paralajmërimin e kanë dhënë meteorologët kroatë, të cilët shprehen se brigjet e adriatikut do të pushtohen nga një stuhi e fortë, që sjell edhe dallgë deri në gjashtë metra në bregdet

Priten gjithashtu edhe rrebeshe shiu në të gjithë territorin shqiptar.

Meteorologu Hakil Osmani u shpreh se:“Pritet që nga orët e mbrëmjes së ditës së sotme dhe nesër do jenë me reshje shiu me intensitet mesatar, në zonat e thella malore do të ketë reshje dëbore, kryesisht në verilindje, por pjesa e dytë e ditës së hënë sjellë një përmirësim në zonat perëndimore dhe më pas në të gjithë vendin.

Dita e merkur sjell kryesisht një mot të qëndrueshëm, kurse e enjtja sjellin shira me intesitet mesatar, ndërsa në zona malore do të ketë reshje të pakta dëbore.

E premtja dhe fundjava do të sjellë një përmirësim.

Mëngjesi i ditës së hënë, pritet të ketë reshje me intesitet mesatar, kryesisht në zonën në zonën Perëndimore. Dhjetori parashikohet një mot i lagësht, deri nga data 12, më pas deri nga data 16 do kemi një mot të kthjellët dhe të ftohtë, kurse pjesa tjetër do të sjellë reshje shiu, reshje dëbore do të jenë më të dukshme në zonat malore. Eksiton mundësia që të ketë reshje shiu dhe dëbore në fundvit, por është ende herët për të parashikuar zonat se ku do të kenë dëborë. Në pjesën e dytë të dhjetorit, do jemi shumë afër vlerave minimale.

Maksimumi në zonat malore do të shkojë jo më shumë se 5-6 gradë celsius, ndërsa në Ultësirën perëndimore nuk shkojnë më shumë 15-16 gradë Celsius,” – përfundoi Osmani.