Shqipëria ka hapur zyrtarisht kufijtë ajrorë me Greqinë, duke nisur fluturimet e para me Athinën, ndërsa në Vjenë dhe Beograd lejohen fluturimet vetëm për rezidentët në këto shtete, ose për shtetas të Bashkimit Europian. Një tjetër linjë riatdhesimi ka nisur përmes kompanisë Air Albania në Frankfurt dhe besojme se keto linja do te vazhdojne perseri per te udhetuar perseri.

Aeroporti i Tiranës ka vene rregulla te forta per ata qe do te udhetojne.

Ndaj kush duhet te udhetoj duhet te kete masken dorezat si dhe sterilizues.

Pasagjerët duhet të ndërrojnë çdo 4 orë maskën, nuk rekomandohet shitja e pijeve dhe ushqimeve dhe ndalohet shitja e produkteve duty-free. Ekuipazhi përveç maskës, nëse shërben duhet të ketë dhe veshje mjekësore.

Të gjithë operatorët që ofrojnë shërbimin e fluturimeve duhet të përdorin sisteme kondicionimi të pandërprerë dhe të vendosin filtra për riqarkullimin e ajrit. Në hyrje-daljet nga avioni dhe të gjitha vendqëndrimet në aeroport duhet të respektohet distancë 1.5 metra.

Pasagjerët duhet të shkojnë në avion në këmbë dhe vetëm në raste të veçanta lejohet autobusi, i cili duhet të respektojë distancën e pasagjerëve.

Autoritetet inkurajojnë kompanitë që të eliminojnë shërbimin e bagazheve të dorës, ndërsa nuk lejohet hyrja në aeroport e personave që nuk kanë biletë për të udhëtuar. Në çdo sportel duhet të vendosen xhama, e po ashtu edhe mes ndarjes së ekuipazhit nga pasagjerët.

Nëse me linjën direkte me Athinën fluturohej mesatarisht për 120-140 euro për person, sot çmimet nisin nga 170 euro duke arritur edhe në 1000 euro. Ndërsa me Vjenën çmimet nisin nga 220 euro për të shkuar në 600 euro.